KADA TOMINA MASSARRINNI/ MA’BUAK BURUN



MASSARRINNI/ MA’BUAK BURUN
Sebelum masuk upacara penyembahan semua anggota keluarga perlu dibersihkan dari pelanggaran, atau tingkah lakunya yang tidak sesuai dengan peraturan Aluk.


1.       Apa misa’ pa la kutoean sanda nalambi’ to dipogandang
2.       Da’ dua pa la kukangkanan sanda nadete’ todipobombongan
3.       Makamban mani to marrapu tallang umpokada tampak ropu lan te pa’ urrande-randean
4.       Anna torro masalamo te kapemalaran, anna unnisung kapenassananmo te pa’ urrande-randean
5.       Apa nasayu ba’ teng ia Puang Matua tu sipokada boko’ lan kapemalaran, nabillan ina ia To Kaubanan tu sipa’bisikan lan pa’ urrande-randean
6.       Anna Puang Mamase, anna Puang sa’ palabuda, sola nene’ manganna sangka’  to dolo panglentenan panikuan
7.       Apa la disarrinnimo aluk la pakunduan batu, la disara’ paimo sangka’ la patanden uaka’
8.       Silele mo la di buaburun to nasayu ba’ teng to diponene’ la dipongaluano to na billen to dipotomatua
9.       La ditombon burunmo ia to sanda kadake, la dilompo’ pambayan pa’lakmo ia tang maelo-maelo
10.   Anna didaka’ tu passarrinanna to diponene’ dituntun tu passarapanna to dipotomatua
11.   Apa mangkamo ia digaragan tossoan batu diomai to’ diponene’ puramo ia ditampan pama’ da’ dikaranganni diomai to dipotomatua
12.   Tundananmi angin pai’pinan, rudanganmi bara’ passalusuan
13.   Anna iri’ I tang naparampan di lino, nasimboi tang napakendek di langi’
14.   Nairi’I napopentondon-tondon, nasimboi napopempoyan-poyan
15.   Manarang ia to dipogandang, mabangko ia to dipobombongan umpiak tallang pangkalo’ Puang, ussese arrusan pano’bo To Tumampa
16.   Ia tu sadangna kalo’ tang la dipassarrinni, mengguririkna tang la dipassarapai, pa’ bura-buranna tang la dipa’ baenanni
17.   Apa ia tu sandangna kalo’ lolong tama sumalunna lombok, ia tu mengguririkna pendio-dioranna rendengan tedong, ia tu to’ bura-bura pendioranna to torro tolino
18.   Ia pale’ to mandarra’ na sola to massarambunna ia mo ia passarrinanna to diponene’, ia mo passarapanna to dipotomatua
19.   Na ditundanan ia uainna ma’ ritu rekke ulunna salu, na dirudangan sakkena tang misa’ ulunna rekke karopakna mata kalimbuang
20.   Anna solo dandanni sau’ engkokna padang, natu’ ba’ mata uasei sau’  soreanna lipu sada kalua’
21.   Umpolalanmo tilengkona salu pakundun batu umpolambananmo tibantukna randanan to patanden uaka’
22.   Kaladenni tikadang rompon dio tampo matoto’ na masapi toding, kaladenni sampe urraso dio tampo tang tie’ banna lendong balo awak
23.   Natolei angin mangiri’ napenduanni bara’ ma’ kole-kole
24.   Umpolalanmi pangala’ tamman, unnolai kakayuanna
25.   Nalambi’ pa pangala’ tamman nasongkai batang, natede’ pa kakayuanna nasa’pekki tangke mamali’
26.   Kaladenpi sesanna batang, kaladenpi ra’ dakna tangke mamali’
27.   Na ke’de’ pa  to ma’lallang osing, na rampopa to mantunu kayu tabo anna lallang kapu’ I lan pangala’ tamman, anna tunu susoi lan kakayuanna
28.   Mennaumo pakundun batu, mellelatumo patanden uaka’
29.   Nalossonpa uran dilangi’  nake’de’ pa tana’ tak dibatara
30.   Anna bongsoranni tama tangnganna tasik, anna sorongi tama bombang sirayoan
31.   Anna ditundanan angin to ma’ lembang, anna dirudanan bara’ to ma’koli-koli
32.   Anna senggongi lako randanna langi’, anna paeranni lako biringna lelean uran
33.   Tollong bunga’ mo ia panggaraganna Puang Matua dio randanna langi’, denden sulo padangmo ia pa’ kombongna to Kaubanan dio lelean uran ma’ rupa to lino disanga Pong Billeinaa
34.   Umbungka’ kalo’tok maluangan, ungkillang panta’daran lino
35.   Anna palendu’ I lako padang tang naarrang allo, anna patibantukki lako daenan tang nasuloi bulan
36.   Tondok tang napentondokki to torro to lino, tang na pembanuai to tongkon tau mata
37.   Anna bungkaranni padang malona’, anna killanganni garonggong maluangan
38.   Tang la napatarru’ rokko to’ kakoya-koya, tang la napalantuk rokko to kesali’bi’
39.   Unnaang komba’ mi ia diong tangngana padang, kume’ lo urrasomi ia diong to’ api-apian
40.   Anna kandei kalongdai boka’  anna intai kalinting marapuan
41.   Denpi manii sesanna kalongdai boka’   denpi manii ra’dakna kalinting marapuan, la manisak anna kapu’ , la lollo’ anna baulu
42.   Anna disamboi batu mapipang tang pandiu-diu, ditana’ mi petana’ nene’ tang pukkini-kini
43.   Sitiro toyangmi pole’ aluk pakundun to merrapu tallang, simanta mambelami sangka’ patanden uaka’ to memponan ao’
44.   Nasapu’mo tasik mapulu’   naalla’ mo bombang sirayoan
45.   Maseromo to ma’rapu tallang.         

REFERENSI :Drs Yohanis Manta. R

Komentar

Posting Komentar

Postingan populer dari blog ini

Kada to mina dalam penyambutan tamu keluarga dan kerabat pada upacara rambu solo

SANGBUKU KADA LAKO TORAMPO MA’ ROMBONGAN Sepatah dua kata kepada rombongan kerabat dan tamu yang datang. Itulah maksud dari judul atau kata kata di atas dalam bahasa Toraja. Dalam tradisi suku Toraja pada upacara kematian atau yang kita kenal dengan istilah "Rambu Solo' ", sudah biasa jika sebelum penguburan dilaksanakan diadakan semacam penyambutan tamu keluarga dan kerabat yang datang baik itu yang berasal dari Toraja maupun yang diluar Toraja. Keluarga, kerabat atau tamu yang datang berombongan itu sebelum di jamu oleh tuan rumah atau yang punya acara mendaftar pada pos yang telah di siapkan sebelum memasuki atau di persilahkan masuk. Hal ini di maksudkan agar keluarga, kerabat atau tamu yang telah mendaftar akan di umumkan lewat seorang protokol tomina melalui mikropon sehingga keluarga yang mempunyai acara bisa mengetahui siapa siapa saja kerabat, tamu atau keluarga yang datang sehingga mereka atau keluarga yang berduka telah mempersiapkan tempat untuk menjamu pa...
Baca selengkapnya

kada-kada tomina I

Gambar
Aluk Mellao Langi’ Sangka Turun Dibatara (asal usul Aluk dari langit) Nakua to mina : kendekki’ langngan langi’ undaka Aluk. Na umbamo ia lakupolalan langngan ba’tangna langi’ na tae mo tu Eran diLangi’? apa nakua to di ponene’ Samanna mo eran di langi’ tu randan dipudukmu. Samanna mo enda’ di deata tu dara’ di lengko lilamu. Lindang langngan Puang Matua kumekutana lako indo’ na Masarrang: kamu raka ampunna aluk kapoenanna bisara? Nakua pa’ kadananna: tang aku ampunna aluk, lan ri tangngana langi’. Puang diMatua ampunna aluk. Kurampo lako Puang Matua: Tumbai inde ba’tangna langi’ allona ina’te aluk sola pinanda bisara? Nakua Puang Matua: Dipabendan Sauan sibarrung-suling siambara disanga Sauan Bulaan. Naditampa tu aluk. Pitu lise’ – pitu lamba’, pitu pulo, pitu ratu, pitu sa’bu. Disanga aluk ma’ riu-riu ma’ sa’ bu bunganna 7777. Lamo naanna dao ba’tangna langi’ allona ina’ to. Dikutanai duka nene’ kumua: kamu tu diponene’ laku nii mekutana randan: Kamuraka umpondokki tu...
Baca selengkapnya

BATING LAN BADONG

Umbamira sang tondokta, tomai sang banuanta sang to'doan tarampak. Ke' de' ko ta tannun bating,  ta pana' ta' rio-rio.  Rio-rio memtarampak, bating messa' de banua. Mario-riokan kami,  makarorrong silelekan, rammangkan massolanasang, sukkunkan ange mairi'. Male natampe Ambe'ki, naboko' I ma' dadingki. Anna la mindamo dikka' , la umpakande rekdekkan, la umbarra' karoenkan. Ambe' perangngikan mati'  ambe tading talingakan. Angki lolloan rara' ko,  angki tendeng bulaanko, angki  gente' kandaureko. Anta sisulle sitendeng, sisonda siri-siri. Panglolloannamo tondo', pa' tendeng misa- misana. Solon-solonna tang mamma', pasondana tingkaru'du'. La kulambi' mo dadimmu, la kudete' garaganmu, to nene' mendeatammu. Umbai tommo dikombong, randukmu dipangidenan, tang kan dikandean essun, tang dileran bua kayu. Ia tonna didadian, randukna ditibussan, silalle-lallemi guntu' sileleanna galu...
Baca selengkapnya