MA’ BUBUNG (KADA KADA TOMINAA)

( kadanna to Minaa keumpatorroi pangngan)

 

Nalambi’ mo te allo maelo, nadete’ mo te kulla’ mapia dadi.

Angki patundan to mamma’ mati’ tangngana langi’,  angki paruyang to matindo mati’ inan to palullungan.

Apa kamu Puang Matua kitundan to mamma’ kierani kapuran pangngan, kamu to kaubannan kiruyang to matindo kipelalanni te lambaran baolu.

Kamu Puang Bassi-bassian, kamu Puang ambo-amboan.

Kamu lumbang petiro aluk, tukku pemanta bisara.

Kamu deata mamase, kamu Puang sa’ pala buda.

 

E.... Puang.... E.... Puang  E...... Puang

Puang Matua dao tangngana langi’, to Kaubanan dao masuanggana topalullungan.

Puang Bassi-bassian, Puang ambo-amboan.

Deata tangngana langi’, Puang barrena allo.

Deata kitiro tuka’, Puang kimanta lulangngan.

Deata na pobonga’ tongkon nene’ mendeatangku, puang tipamulanna na paunnisung to dolo kapuanganku.

Deata umpasisuka’ bongi na allo, umpasikararoan tanda malillin na masiang.

Iamo deata umpatungara padang, umballa’ rante kalua’.

 

(Kada dipaupu’ keumpatorroi pesung)

Ammi torro bulaan dao surasan tallang, ammi unnisung batan-batan dao ra’bung dianggilo.

Sirondong karidisan pandung balo, sitammu sang deatammi, sirompak sang kapuangammi.

Mimembano sarinna kanan, mima’ kaseroan bu’tu kalimbuang, uai tang dilamban, sa’dan tang disarenggai.

Kamupi unnola bongii, kamupi sarese dannarii na dilamban, na disarenggai.

La kumandemokomi sanda mammi’ titanan tallu, la tumimbu’ mokomi sanda masara samba’ batu lalikan.

Mintu’ na deata langi’, makalima’ na puang to palullungan.

Mintu’ deata to kengkok, makalima’ na puang to kebali’ bi’.

Mintu’ deata nasambo langi’, makalima’ na puang narande tana kalua’.

Mikande bai tang sala sampan, tang sala’ kikki’. Mi iru’ tuak tang lellangngan, tang panikian, tang disari bongi, tang diambe malillin.

Pamba’ta to melo aluk, passari to ballo bisara.

Lindo masakke randan to mamma’, rupa madadinding biring to matindo, ra’ pak - ra’ pak puang, pasakke deata.

Na susi dua bontik te randan dipudukku, napopekadang rongko’ te to ma’ rapu tallang, na ten tallu topongna te dara’ lengko lilaku, na popetamba ianan te to ma’ kaponan ao’.

Na sakendek – kendekna mendaun sugi’, sa langngan – langnganna mentangke ianan, naala tonglona sugi’, ma’ lolosunna ianan.


(kada dipaupu’ keumpatorroi pangngan)

Ammi torro bulaan dao sendana sugi’ ma’ pangngan – pangngan titanan tallu :

Puang Matua

Pong Tulakpadang

Na deata lan kapadanganna

 

Unnissung batan – batanmokomi dao kayu mentangke eanan, ma’ damerak – merak samba’ batu lalikan, sitammu sang deatammi, sirompa sangkapuangammi.  

Komentar

Posting Komentar

Postingan populer dari blog ini

Kada to mina dalam penyambutan tamu keluarga dan kerabat pada upacara rambu solo

SANGBUKU KADA LAKO TORAMPO MA’ ROMBONGAN Sepatah dua kata kepada rombongan kerabat dan tamu yang datang. Itulah maksud dari judul atau kata kata di atas dalam bahasa Toraja. Dalam tradisi suku Toraja pada upacara kematian atau yang kita kenal dengan istilah "Rambu Solo' ", sudah biasa jika sebelum penguburan dilaksanakan diadakan semacam penyambutan tamu keluarga dan kerabat yang datang baik itu yang berasal dari Toraja maupun yang diluar Toraja. Keluarga, kerabat atau tamu yang datang berombongan itu sebelum di jamu oleh tuan rumah atau yang punya acara mendaftar pada pos yang telah di siapkan sebelum memasuki atau di persilahkan masuk. Hal ini di maksudkan agar keluarga, kerabat atau tamu yang telah mendaftar akan di umumkan lewat seorang protokol tomina melalui mikropon sehingga keluarga yang mempunyai acara bisa mengetahui siapa siapa saja kerabat, tamu atau keluarga yang datang sehingga mereka atau keluarga yang berduka telah mempersiapkan tempat untuk menjamu pa...
Baca selengkapnya

kada-kada tomina I

Gambar
Aluk Mellao Langi’ Sangka Turun Dibatara (asal usul Aluk dari langit) Nakua to mina : kendekki’ langngan langi’ undaka Aluk. Na umbamo ia lakupolalan langngan ba’tangna langi’ na tae mo tu Eran diLangi’? apa nakua to di ponene’ Samanna mo eran di langi’ tu randan dipudukmu. Samanna mo enda’ di deata tu dara’ di lengko lilamu. Lindang langngan Puang Matua kumekutana lako indo’ na Masarrang: kamu raka ampunna aluk kapoenanna bisara? Nakua pa’ kadananna: tang aku ampunna aluk, lan ri tangngana langi’. Puang diMatua ampunna aluk. Kurampo lako Puang Matua: Tumbai inde ba’tangna langi’ allona ina’te aluk sola pinanda bisara? Nakua Puang Matua: Dipabendan Sauan sibarrung-suling siambara disanga Sauan Bulaan. Naditampa tu aluk. Pitu lise’ – pitu lamba’, pitu pulo, pitu ratu, pitu sa’bu. Disanga aluk ma’ riu-riu ma’ sa’ bu bunganna 7777. Lamo naanna dao ba’tangna langi’ allona ina’ to. Dikutanai duka nene’ kumua: kamu tu diponene’ laku nii mekutana randan: Kamuraka umpondokki tu...
Baca selengkapnya

BATING LAN BADONG

Umbamira sang tondokta, tomai sang banuanta sang to'doan tarampak. Ke' de' ko ta tannun bating,  ta pana' ta' rio-rio.  Rio-rio memtarampak, bating messa' de banua. Mario-riokan kami,  makarorrong silelekan, rammangkan massolanasang, sukkunkan ange mairi'. Male natampe Ambe'ki, naboko' I ma' dadingki. Anna la mindamo dikka' , la umpakande rekdekkan, la umbarra' karoenkan. Ambe' perangngikan mati'  ambe tading talingakan. Angki lolloan rara' ko,  angki tendeng bulaanko, angki  gente' kandaureko. Anta sisulle sitendeng, sisonda siri-siri. Panglolloannamo tondo', pa' tendeng misa- misana. Solon-solonna tang mamma', pasondana tingkaru'du'. La kulambi' mo dadimmu, la kudete' garaganmu, to nene' mendeatammu. Umbai tommo dikombong, randukmu dipangidenan, tang kan dikandean essun, tang dileran bua kayu. Ia tonna didadian, randukna ditibussan, silalle-lallemi guntu' sileleanna galu...
Baca selengkapnya